(1620)

Gaspar RÉGIS

CURÉ DE LA BÂTIE MONTGASCON, DAUPHINÉ, France

Premierement le penitent se doit accuser et recognaistre qu’il ne va assez souvent de confession avec la preparation due et convenable c’est à dire qu’il n’a ni bien examiné sa conscience ni tant pensé à ses pechés qu’il luy etait convenable de faire que le jour qu’il communia il n’entra tellement en considération de soi même et ne se retira devant & après la communion comme il devait, qu’il n’a fait la pénitence qui luy a este enjointe avec telle devotion & diligence qu’il devait, qu’il n’a pas creuse profondement ce que le confesseur luy avait en charge comme de vendre quelque (   ) ou laisser quelque proche ou se separer de quelque dangereuse occasion ce qu’il n’avait fait. Cecy se doit dire afin que le confesseur cognaisse mieux comme il se doit porter en cecy avec le penitent. et après cecy qu’il commence à s’accuser de ses péchés selon l’ordre qui suit

Premier commandement

Un seul Dieu tu adoreras etc.

Estant ainsi que comme dit St Augustin que Dieu est honore par les trois vertus a savoir la foy, l’Espérance et la charité, c’est une chose convenable de traiter des oeuvres que nous avons faites contre ces trois vertus. Et suivant cecy le penitent se doit accuser touchant la foy s’il a doute  des douze articles : pour ce que celui qui doute en la foy est Infidele & s’il n’a doute au moins s’il a vacille autrement en ce qui la concerne cela est veniel . S’il s’est mis à rechercher curieusement les affaires de la foy s’il a creu ou adjoute foy aux songes augures devinements sorts ou enchantements ou s’il en use : s’il porte noms supersticieux avec caracteres & noms obscurs & et incogneus s’il a faict quelques devotions a quelque monnoye pour faire mourir quelqu’un

Touchant l’Esperance qu’il advise si aux travaux et tribulations qui luy viennent il a consenti plus que du juste prix s’il a traite en campagne d’aultres a perte & a gain estant toujours le principal sauf s’il a trompé au jeu & a gagne par le moyen des tromperies, s’il a joue somme qui excede ou surpasse sa condition, s’il a joue avec plus jeunes ce qu’ils ne pouvaient jouer si aussi il a jure debattu & dict mauvaises parolles etc s’il n’a bien et fidelement faict l’office duquel il estait salarie pour ce qu’un tel homme sera oblige aux pertes & dommages qui sont procedes de sa negligence & peu de souci,. si iceluy qui doibt distribuer les  offices et charges publiques ou benefices ou aultres choses est acceptateur de personnes les donnant pour respect humain  & non suivant les lois de la justice distributive. Si par son vouloir & desir s’est confere quelque office ou benefice a personnes indignes S’il n’a paye les dismes a l’Esglise

(un passage manquant) bien  Ce Jurement n oblige comme aussy ne faict pas le suivant. Si au contraire, il a juré de faire quelque mal. il se doibt aussy arranger en cet endroit des jugements, des maledictions qui sont fort communs : s’il a esté cause que quelqu un ayt faict un faux serment ou que un autre n’ayt observe le serment hautement faict. S’il a de coustume de jurer serment s’il ne reprend ses enfants ou subjets quand il les oyt jurer maintes fois : Touchant les voeux, s’il a rompu quelque voeu ou bien s’il a différé longtemps l’execution d’iceux s’il a faict voeu de faire quelque mal ou de ne vouloir faire quelque bien desquels voeux il n’a pas vu qui oblige : et qu’il regarde bien si quelque voeu luy a change qu’il soit au moins esgal en cas ou bien plus grand que celuy qu’il avait faict pour ce qu’autrement le changement n’est bien faict (   ) qu’il se puisse faire en ceste maniere

Troisiesme commandement

Tu sanctifieras les festes

S il n’a garde & observe les festes faisant ou commandant de faire en icelles oeuvres serviles s’il n’euste este pour eu de choses S’il a laisse d’ouyr la messe entierement en tels jours n’en ayant legitime occasion & excuses s’il ne se tient a la Messe  aux offices divins ou bien aux lieux sacrés avec la reverence qu’il doibt s’il n’a faict & procure que ses enfants ou autres  subjects ouyssent la messe es dicts jours s’il a este negligent a ouyr les sermons si estant excommunie il a assiste au service divin ou bien a recu quelque sacrement

Quatriesme commandement

Tu honnoreras ton Pere et ta Mere

En ce commandement est traite en premier lieu du soin que les enfants ont de leurs Peres & les pères de leurs enfants : Secondement du souci que les serviteurs ont de leurs maistres & les maistres de leurs subjects ou serviteurs, troisiemement du souci qu ont les Prelats de leurs subjects & et iceux de leurs Prelats : En quatriesme lieu du soucy que la femme a de son mary & le mary de sa femme ! En cinquiesme lieu du souci qu’ont les gendres de leurs beaux pères & les beaux peres de leurs gendres : Et lhomme doit aussy s examiner en cest endroict & regarder comme il s est porte avec les plus vieils et a l endroit des bienfaicteurs

Par quoy suivant cecy le fils voye premierement s il a mesprise ou maudict & faict peu de cas de son pere & Mere s’il leur a este desobeissant en choses (   ) sil ne les a secourus en leurs necessites. s il a eu honte de ses parents pour estre vils ou pauvres. S’il n a (   ) leur testament. s il a desire leur mort pour avoir l heritage

Que les Peres regardent aussi s ils ont souci de leurs enfants & particulierement de leur enseigner la priere & doctrine chrestienne & les reprendre & chastier quand ils ne font pas ce qu ils devraient ou suivent mauvaises compagnies & aussy de les occuper & employer en quelques choses afin qu ils ne soyent  (   ) & vagabonds. s'ils les traitent avec trop grandes caresses & les nourissent et eslevent a leur volonte  & fantaisie les laissant faire tout ce qu il leur plait

Les maistres doibvent avoir les mesme esgard envers leurs subjects & serviteurs gardant un mesme ordre. Et davantage ils doibvent adviser sils les pourvoyent des choses qui leur sont necessaires s’ils ont souci de les faire penser et medicamenter en leurs maladies & mesme de les faire mettre en bon estat en prenant les sacrements en temps deub. S’ils les laissent demeurer en peche mortel y pouvant remedier

Entre les beaux peres & gendres ou brus il fault prendre garde s’il y a des passions ou mauvaises parolles ou desir de la mort l’un de l’aultre pour avoir l heritage etc.

Entre les maries que le mary voye s il touche mal sa femme ou de faict ou de parolles ou sil ne luy donne les choses qui luy sont necessaires & si la femme  traite mal son mary en ne luy obeissant ou bien en l’insultant ou luy donnant occasion de perdre patience & de le faire blasphemer & et aussy est (   ) jalouse

Que le subject voye s’il a este desobeissant a ses superieurs s’il les a mesprises de cœur s’il a murmure ou s’il s’est plainct d’Iceux s’il a juge temerairement leurs affaires a mauvaise fin. s il a mesprise ou porte honneur aux vieillards et anciens. S’il a este ingrat envers ses bien faicteurs n ayant souvenance des bien faicts receus en leur rendant mal pour bien.

Cinquieme commandement

Tu ne tueras poinct

Quant a l’Esprit qu il advise premierement s’il a spirituellement tue son prochain l’incitant ou luy donnant occasion ou conseil de pecher mortellement ce qui est peche de scandale s’il la accompagne ou luy a donne faveur ou ayde en quelque chose mauvaise

Quant au corps s’il a tue ou procure ou desire la mort de son prochain ou s’il a prie Dieu qu il la luy envoyat s’il a porte haine vraye ou deliberee a aulcun desirant se venger de luy & combien de temps il a demeure en cette haine  S’ il n’a voulu parler a aulcun  avec scandale du prochain s il a faict factions ou les a favorisees S’il amenasse par mauvaises parolles aultres qui ne fussent ses subjects et s’il n’a voulu pardonner au moins (   ) a celuy qui luy a demandé humblement pardon Sy ayant offensce d’aultres de faict ou de parolles il n’a voulu leur demander pardon de soy mesme ou par le moyen d’aultruy ou sil na suffisament satisfaict aux offences faictes

Sixieme commandement

Tu ne paillarderas poinct

Veu qu’en chacun peche l’on peut offencer de pensee de parolles & de faict Cela advient constamment en celuy cy beaucoup plus expressement qu en quelconque des aultres & et en quelque maniere de ces trois que l’homme peche il doibt declarer les qualites & circonstances en ce cas avec qui il a peche

Suivant donc cet ordre touchant les pensees l’homme se doibt accuser s’il a est negligent a rejeter ou supprimer incontinent les deshonnestes pensees s il y a consenti desirant les mettre en execution s’il a eu delectation ou a prins plaisir de demeurer en ces pensees considerant ce qu’il faisait

Touchant les parolles s’il en a profere de sales & deshonnestes Si de parolles ou par escripts ou par le moyen d’une tierce pêrsonne il a incite aultruy a pecher

Touchant les œuvres s’il a peche actuellement en ce peche s’il a peche bien que ce ne soit actuellement mais par attouchement deshonnete avec soy mesme ou avec aultre personne, s’il luy est advenu ou a procure quelque pollution volontaire ou bien si elle luy est advenue en dormant laquelle je dois juger selon l’ossasion precedente & et selon le plaisir ou des plaisirs suivant s’il a faict quelques choses pour provoquer aultruy a ce peche en se prenant agreement se mettant en lieu ou fenestres pour estre veu ou aultres choses semblables. Si par presens fausses ou vrayes promesses ou aultres moyens s’il a tasche de violer la chastete d’aultruy sil n’a voulu se separer de loccasion de ce peche comme sont les compagnies ou conversations dangereuses ou l’habitation en une mesme maison & ceste cy est la plus grande de toutes occasions, S’il lit des livres deshonnestes qui le puissent provoquer a mal, s’il ne s est arme avec (   ) prieres sacrements et aultres remedes spirituels quand il a ete fort tente de ce vice.

Entre les maries s’ils satisfont l’un l’aultre au deub ou debvoir de Mariage s’ils ont procure en quelque maniere d’empecher le fruict de la generation s’ils gardent l’ordre et usage naturel s’ils ont procure pollution illicite, si le mari a cogneu des parentes de sa femme en degre deffendu ce qui est un empechement qui deslie le mariage si toutes fois il est premierement advenu, si ca este du despuis le mariage ne peut estre rompu sans dispense du Prelat

Septiesme commandement

Tu ne desobeiras poinct

S’il a pris quelque chose d’aultruy par tromperie rapine usure ou simonie s »il a quelque chose d’aultruy contre sa volonte de son maistre et ne la rend  & ne suffit pas d’avoir la volonte de la rendre en apres si en effet on ne la rend incontinent s’il retient le salaire de ses subjects ou laboureurs ou marchands contre leur volonte S’il ne rend les choses qu’il aurait trouvees ou seroyent tombees entre ses mains sans scavoir a qui elles appartenoyent Si en achestant ou vendant il a faict quelque tromperie ou en la marchandise ou au prix ou au poids ou en la mesure S’il a achepte de personnes qui ne pouvoyent vendre Si pour vendre seulement a credit il a vendu les choses

Huitiesme commandement

Tu ne diras faux tesmoignage

Ce commandement porte quant a soi deux grandes branches en l’une sont les peches qui se font et commettent en jugement par le Juge et par les procureurs par les tesmoins par l’acteur et par le desfendeur. En l’aultre sont les infamies destructions murmures derisions jugements temeraires soubcons mensonges et allechements et tromperies

Quant a la premiere partie que le penitent considere s’il est juge ou procureur ou tesmoing etc. Et suivant cela qu’il s’accuse de ce qui touche son office. Quant a la seconde branche que le penitent regarde premierement s’il a dict faulx tesmoignage s’il a par jalousie ou par ire blasme l’aultre de peches faulx pour ce que cecy est pareillement faulx tesmoignage quand l’on parle sans grande occasion, s’il a dit mal douteux avec mauvaise volonté & intention de  luy faire mal ce qui s’appelle detracter ou detraction, s’il a manifeste (   ) grand debit d’auttruy au moyen duquel la personne sort diffamée combien qu’il ne le die en intention de luy nuire

( un passage manquant) bien  Ce Jurement noblige comme aussy ne faict pas le suivant. Si au contraire, il a juré de faire quelque mal. il se doibt aussy arranger en cet endroit des jugements, des maledictions qui sont fort communs : s’il a este cause que quelqu’un ayt faict un faux serment ou que un autre n’ayt observe le serment hautement faict. S’il a de coustume de jurer serment s’il ne reprend ses enfants ou subjets quand il les oyt jurer maintes fois : Touchant les voeux, s’il a rompu quelque voeu ou bien s’il a différe longtemps l’execution d’iceux s’il a faict voeu de faire quelque mal ou de ne vouloir faire quelque bien desquels voeux il n’a pas vu qui oblige : et qu’il regarde bien si quelque voeu luy a change qu’il soit au moins esgal en cas ou bien plus grand que celuy qu’il avait faict pour ce qu’autrement le changement n’est bien faict (   ) qu’il se puisse faire en ceste maniere

document ayant appartenu à Gaspard Regis, curé de La Bâtie Montgascon, Dauphiné)

Archives départementales de l‘Isère, Grenoble

Cote : 32 J 18